سنتیں اور نوافل

• رسول پاک صلی ا للہ علیہ وآلہ وسلم جو نفل نماز با قا عد گی سے ادا فرماتے تھے وہی امت کے لیے سنت موکدہ ہے
• نماز ظہر سے قبل چار بعد میں دونماز مغرب کے بعد دو نماز عشاء کے بعد دواور نمازفجرسے قبل دو کل بارہ رکعتیں پڑھنا مسنون ہیں
• سنتیں اور نوافل گھر میں ادا کرے افضل ہیں قیام الیل میں آپ صلیا للہ علیہ وآلہ وسلم کی نماز 9 رکعت مع وتر ہوتی
• نماز طہر سے قبل دو سنتیں ادا کرنا سنت سے ثابت ہے 
•  سنتیں اور نوافل دو دو کر کے ادا کرنے چاہئیں فجر کی سنتوں کے بعد تھوڑی دیر دائیں کروٹ لیٹنا سنت ہے
• نماز جمعہ کے بعد چار یا دو رکعتیں پڑھنی مسنون ہیں
• نماز فجر کی پہلی دو سنتیں اگر فرضوں سے پہلے نہ پڑھی جاسکے تو فرضوں کے فورا بعد یا سو رج نکلنے کے بعددونوں طرح ادا کرنا جائز ہے
• نماز ظہر کی پہلی چار سنتں فرضوں سے پہلے نہ پڑھی جا سکے تو فرضوں کے بعد پڑھی جا سکتی ہیں
• عصر سے قبل دو یا چار رکعت سنت غیر موکدہ ہیں
• نماز عشاء کے بعد دو رکعت سنت موکدہ ہیں
• نماز جمعہ سے قبل سنت موکدہ ادا کرنا حدیث سے ثابت نہیں
• نماز وتر کے بعد بیٹھ کر دونفل پڑھنے سنت سے ثابت نہیں
• فرض ادا کرنے کے بعد سنتیں ادا کرنے کے لیے جگہ بدلنی چاہئے تاکہ فرض نماز اور سنت میں فرق ہو سکے
• بلا عذر بیٹھ کر نماز پڑھنے سے آدھا ثواب ملتا ہے
• سنتیں اور نوافل سواری پر بیٹھ کر ادا کئے جاسکتے ہیں
• نماز شروع کرنے سے قبل سواری کا رخ قبلہ کیطرف کر لینا چاہئے بعد میں خواہ کسی طرف ہو جائے
• سنتوں اور نوفل میں قرآن کریم سے دیکھ کر تلاوت کرنا جائز ہے
• نوا فل میں طویل قیام پسندیدہ ہے
• نیند کے غلبہ کی وجہ سے رات کی نماز یا کوئی دوسرا معمولی وظیفہ رہ گیا ہو تو فجر اور ظہر کے بعد ادا کیا جا سکتا ہے
• کسی عذر کی بناء پرنفل نماز کچھ بیٹھ کر  کچھ کھڑے ہو کر ادا کی جا سکتی ہے
• سنت اور نفل نماز گھر میں ادا کرنی افضل ہے
• نفل عباد ت جو ہمیشہ کی جائے پسندیدہ ہے خواء کم ہی ہو
• دوران سفر سنتیں اور نوافل معاف ہیں
• نماز فجر اورنماز عصر کے بعد فرض نماز پڑھی جاسکتی ہیں
• نماز فجر کے بعد سورج بلند ہونے تک اور عصر کی نماز کے بعد سورج غروب ہونے تک کوئ نفل نماز ادا نہیں کرنی چاہئے