ایلاء

طلاق کی ایک قسم ہے جس میں شوہر اپنی بیوی سے ایک معینہ مدت کے لیے جنسی تعلق کاٹ لینے کی قسم کھا لیتا ہے پھر اس مدت کے اندر یا پوری ہونے کے بعد چاہے تو جنسی تعلق قائم کرکے ازدواجی زندگی برقرار رکھے اور قسم کا کفارہ دے ورنہ بیوی کو طلاق دے کربیوی کو علیحدہ کر دے

ایلاء کی مدت زیادہ سے زیادہ چار ماہ ہے اس سے زائد دنوں کے لیے کوئ شخص محض بیوی کو ستانے کے لیے ایلاء نہیں کر سکتا اللہ تعالی کا ارشاد ہے

جو لوگ اپنی بیویوں سے ایلا کرتے ہیں ان کو انتظار کر نا چاہیے چار ماہ اگر وہ رجوع کر لیں تو بے شک اللہ بخشنے والا رحم کرنے والاہے اور اگر طلاق دینے کا ارادہ کر لیں تو اللہ سننے والااور جاننے والا ہے  اگر کوئ شخص چار ماہ ہونے کے بعد نہ تو رجوع کرے اور نہ ہی طلاق دےتو قاضی کا فرض ہو گا کہ شوہر کو ان دونوں باتوں میں سے کسی ایک بات پرمجبور کرے

شوہر کے انکار پر قاضی خود طلاق کاحکم صادر کرکے بیوی کو آزاد کر دے گا ایلاء کے بعد والی طلاق بائنہ تصور کی جاے گی اس کے بعد عورت پوری  عدت گزارے گیْ

ایلاء ایک طرح سے عورت کی اصلاح اور کسی زیادتی پر سزا اور تنبیہ ہے جو بہت ہی مجبوری کی حالت میں کرنا چاہیے

چنانچہ آنحضرت صلی اللہ علیہ وآلہ وسلم نے اپنے بعض خانگی امور کی اصلاح کے لیے اپنی ازواج مطہرات سے ایک مہینہ کے لیے ایلاء فر ما لیا تھا انتیس دن پورے ہوے تو آپ نے فرمایا مہینہ انتیس کا بھی ہوتا ہے اس کے بعد ایلاء ختم فرمالیا

بخاری و مسلم